ШҮЛХИЙ ӨВЧНӨӨС УРЬДЧИЛАН СЭРГИЙЛЭХ ЗӨВЛӨМЖИЙН ХЭРЭГЖИЛТЭНД ХЯНАЛТ ШАЛГАЛТ ХИЙЛЭЭ.

  • .

  • 2018-03-01

  • 26

Малын гоц халдварт шүлхий өвчнөөс урьдчилан сэргийлэх ажлыг эрчимжүүлэх, Сумын Онцгой комисс болон Мэргэжлийн байгууллагуудаас өгсөн зөвлөмжүүдийн хэрэгжилтэнд хяналт тавих, урьдчилан сэргийлэх ажилд иргэд, албан байгууллага, ААН-үүдийн үүрэг оролцоог нэмэгдүүлэх зорилготойгоор сумын Онцгой комисс, Цагдаагийн алба, ЭМТ-ийн хамтарсан хяналт шалгалтыг зохион байгуулж, зөвлөмж үүрэг чиглэлийг өглөө.

ИРГЭДИЙН АНХААРАЛД!

  • .

  • 2018-02-28

  • 17

Булган аймгийн Рашаант, Бугат, Гурванбулаг, Булган, Төв аймгийн Эрдэнэсант сумдад мал амьтны гоц халдварт шүлхий өвчин оношлогдож, Хишиг-Өндөр, Сайхан, Орхон суманд сэжигтэй тохиолдол илэрч, өвчний тархалт нэмэгдэж байна. Иймд уг өвчнөөс урьдчилан сэргийлэх зорилгоор тус сумын нутаг дэвсгэр дээрх мянганы замаас сумын төв руу орж, гардаг бүх гарцуудыг хааж, зөвхөн Булган аймгаас орж ирдэг 4 замын уулзвар дээрх ариутгал халдваргүйжүүлэлтийн постоор дамжин орж гарах Сумын Онцгой комиссын шийдвэр гарсны дагуу Цагдаагийн алба, Булган АЗЗА ТӨХК-тай хамтран гарцуудыг хааж тэмдэг, тэмдэглэгээ байршууллаа.

ИРГЭДИЙН АНХААРАЛД!

  • .

  • 2018-02-28

  • 11

Булган аймгийн Рашаант, Бугат, Гурванбулаг, Булган, Төв аймгийн Эрдэнэсант сумдад мал амьтны гоц халдварт шүлхий өвчин оношлогдож, Хишиг-Өндөр, Сайхан, Орхон суманд сэжигтэй тохиолдол илэрч, өвчний тархалт ихсэж байгаа тул өөр аймаг, сум руу орж гарах иргэд, автотээврийн хөдөлгөөнийг 2018.02.28-ний өдрөөс эхлэн тодорхойгүй хугацаагаар хориглолоо.

ХЯНАЛТЫН ПОСТОНД ГАРАХ ИРГЭДЭД ҮҮРЭГ ЧИГЛЭЛ ӨГЛӨӨ

  • .

  • 2018-02-26

  • 17

Хяналтын постонд гарах иргэдэд нөхцөл байдлын талаар мэдээлэл өгч хяналтын постонд ажиллах заавар зөвлөгөө, үүрэг чиглэл өглөө.

СУМЫН ОНЦГОЙ КОМИСС ХУРАЛДЛАА

  • .

  • 2018-02-26

  • 17

Булган аймгийн Онцгой комиссоос өгсөн үүрэг чиглэлийн дагуу сумын Онцгой комисс хуралдлаа. Хурлаар дараах асуудлуудыг хийж гүйцэтгэхээр шийдвэрлэлээ. Үүнд:
1. Малын эмч нар хариуцсан малчин өрхүүдийнхээ малд үзлэг шинжилгээ тандалт хийх
2. Золбин нохой, муурыг устгах
3. Засаг даргын Захирамжаар хяналтын постонд гарах иргэдийн хуваарийг гарган томилгоожуулж, үүрэгжүүлэх
4. Сумын төв болон хөдөө багийн өрхүүдийн үхрийн судалгаа, сэжигтэй бүстэй хил залгаа айлуудын үхрийн тоо судалгааг гаргах
5. Ухуулга сурталчилгааны ажлыг эрчимжүүлэх, тараах материал, масс мессеж илгээх
6. ААН-дэд мэдэгдэл өгч ариутгалын хийлгэх
7. Багийн дарга нар Төв аймгийн Эрдэнэсант, Рашаант, Гурванбулаг сумтай хил залгаа айлуудад мэдээлэл өгч, өдөр бүр холбогдож мэдээлэл авч штабд мэдээлж байх
8. Зээрийн хөдөлгөөнд тандалт хийх төлөвлөгөөг шинэчлэн ажиллах
9. Хяналтын постонд гарах иргэдэд ажиллах заавар зөвлөгөө, үүрэг чиглэл өгөх

НҮБ-ЫН ТӨСӨЛ ХЭРЭГЖЛЭЭ

  • .

  • 164

НҮБ-ын Хөдөө Аж Ахуйн байгууллагаас хэрэгжүүлж буй төсөлд тус сумаас 104 малчин өрх хамрагдлаа. Нийт малыг хонин толгойд шилжүүлэн тооцож 300-аас доош толгой малтай өрхүүдийг сонгон хамруулж хорголжин тэжээл, долооц, загасан тос, амин тун, барагшуунт тэжээл, хурганы уут зэргийг тусламж болгон өглөө.

ДОРГОНТ БАГИЙН ИРГЭН СЭРЭЭТЭР ОВОГТОЙ ГАНЗОРИГ “АЙМГИЙН САЙН МАЛЧИН” БОЛЛОО.

  • .

  • 2018-02-15

  • 22

Улс эх орныхоо эдийн засгийн үндсэн салбар болсон Мал аж ахуйн үйлдвэрлэлийг хөгжүүлэхэд өөрийн үнэтэй хувь нэмрээ оруулж эрдэнэт мал сүргийнхээ үүлдэр угсаа, ашиг шимийг сайжруулан өсгөж, малч ухаан, туршлагаараа манлайлан Доргонт багийн Сумын сайн малчин Сэрээтэр овогтой  Ганзориг “АЙМГИЙН САЙН МАЛЧИН”-аар шалгарлаа.  Шагналыг Аймгийн Засаг даргын орлогч Ц.Бат-Өлзий, Аймгийн ХХААГазрын МАА хэлтсийн дарга М.Жавзандолгор, Г.Бадамсүрэн, сумын ИТХ-ын дарга А.Батжаргал, Засаг дарга Д.Луттөмөр нар гардууллаа.  АЙМГИЙН САЙН МАЛЧИН  С.Ганзоригт нийт иргэдийнхээ өмнөөс баяр хүргэе.

САНХҮҮ АЛБАНААС СУРГАЛТ ЗОХИОН БАЙГУУЛЛАА.

  • .

  • 24

Аймгийн Засаг даргын “Зөв бүртгэл” дэд хөтөлбөрийн хүрээнд “Зөвлөн хэлэлцэж, Зөв бүртгэлээ сайжруулъя” сэдэвт сургалтыг төсөвт байгууллагын удирдлага, санхүүгийн ажилтнуудад зохион байгууллаа.

АХМАДУУДДАА ХҮНДЭТГЭЛ ҮЗҮҮЛЛЭЭ

  • .

  • 2018-02-13

  • 24

Билгийн улирлын хаврын тэргүүн сар, Монголын уламжлалт Сар шинийн баярыг тохиолдуулан ЗДТГ-т ажиллаж байгаад өндөр насны тэтгэвэрт гарсан ахмадуудаа хүлээн авч, хүндэтгэл үзүүлж, ахмад үеэ хайрлан хүндэтгэх, ахмадаа сонсох, тэднээс суралцах, төрийн албаны залгамж холбоог сайжруулах зорилготойгоор “АХМАД-ДУНД-ЗАЛУУ” гурван үеийн уулзалтыг зохион байгууллаа. Уулзалтаар сумын цаг үеийн мэдээллийг танилцуулж, санал бодлоо солилцон, ахмадууд маань залуу үеийнхэндээ үнэт сургаал, зөвлөгөөгөө өглөө.
Та бүхэн минь Сар шинэдээ сайхан шинээлээрэй.

МОНГОЛ УЛСЫН АВАРГА МАЛЧНААР ЛАХ БАГИЙН МЯНГАТ МАЛЧИН Б.РАВДАНДОРЖ ТОДОРЛОО

  • .

  • 2018-02-12

  • 250

Эх орныхоо дэлгэр сайхан нутагт эрдэнэт мал сүргээ өсгөн үржүүлж, ашиг шимийг нь нэмэгдүүлэн малч ухаан туршлагаараа манлайлан Дашинчилэн сумын Лах багийн мянгат малчин Бадарчийн Равдандорж “МОНГОЛ УЛСЫН АВАРГА МАЛЧИН”-аар шалгарлаа.
Монгол Улсын Аварга малчны шагналыг БСШУСЯ-ны дэд сайд Ш.Отгонбаяр, Аймгийн ЗДТГ-ын дарга Б.Ууганбаяр, сумын ИТХ-ын дарга А.Батжаргал, Засаг дарга Д.Луттөмөр болон аймаг, орон нутгийн удирдлагууд өргөө цагаан гэрийн хамт гардуулан өглөө.
Буянт сүргийнхээ хишгийг түмэн олондоо түгээж, дүүрэн баяртай, түвшин жаргалтай байхын ерөөлийг дэвшүүлж, Улсын аварга малчин Б.Равдандоржид нийт иргэдийнхээ өмнөөс баяр хүргэе.

ХАРААТ БАГИЙН МАЛЧИН ЧОЙДОРЖИЙН ЦАСЧИХЭР АЛТАН ТУГАЛНЫ ЭЗНЭЭР ТОДОРЛОО

  • .

  • 2018-02-12

  • 24

ХХАХҮЯам, Монголын Үндэсний Олон Нийтийн Радио Телевизтэй хамтран зохион байгуулдаг "АЛТАН ТӨЛИЙН ЭЗЭН"-ээр Хараат багийн малчин Чойдоржийн Цасчихэр тодорлоо. Алтан тугалны эзний шагналыг БСШУСЯ-ны дэд сайд Ш.Отгонбаяр, Аймгийн ЗДТГ-ын дарга Б.Ууганбаяр, сумын ИТХ-ын дарга А.Батжаргал, Засаг дарга Д.Луттөмөр болон аймаг, орон нутгийн удирдлагууд гардуулан өглөө. Алтан тугалны эзэн Чойдоржийн Цасчихэртээ нийт иргэдийнхээ өмнөөс баяр хүргэе.

ӨНДӨР НАСТАН Ц.НАЙДАНДОРЖ "АЛТАН ГАДАС" ОДОНГООР ЭНГЭРЭЭ МЯЛААЛАА

  • .

  • 2018-02-12

  • 24

Нохой жилийн сар шинийн босгон дээр Лах багийн иргэн өндөр настан Цэндийн Найдандорж нь олон жил ХАА-н салбарыг хөгжүүлэх их үйлсэд  бодитой хувь нэмэр оруулан ажилласан нөр их хөдөлмөрийн хичээл зүтгэлээ үнэлүүлж  Төрийн дээд шагнал “АЛТАН ГАДАС” одонгоор энгэрээ мялаалаа. Шагналыг БСШУСЯ-ны дэд сайд Ш.Отгонбаяр, аймгийн Хөдөлмөрийн хэлтсийн дарга Г.Нямдорж, сумын ИТХ-ын дарга А.Батжаргал, сумын Засаг дарга Д.Луттөмөр  нар гардууллаа.

Хуудас:  1   2   3   4   5   6   7   8  (нийт 96 мэдээ )

©2017 он Булган аймгийн Дашинчилэн сум